Searbhónta cistine agus an suipéar ag Eamáús, le Diego Velázquez
| Bliain |
c.1617-1618
|
| Size |
55 x 118 cm
|
| Medium |
Ola ar chanbhás
|
| Provenance |
Arna bhronnadh ag Sir alfred agus an Bhantiarna Beit, 1987 (Bailiúchán Beit)
|
| Number |
NGI.4538
|
Tríd an bpóirse, faighimid radharc ar an suipéar ag eamáús, tráth a nochtadh Críost do bheirt de na
haspail tar éis a aiséirithe. Tá an chuma air go bhfuil an searbhónta tar éis stad dá cuid oibre, amhail is go dtuigeann sí cad é atá ag titim amach. Is é an tátal atá le baint as sin ná go bhfuil sábháil i ndán di, mar thiontaigh roinnt Múrach ina gCríostaithe sa spáinn. Phéinteáil Velázquez an pictiúr seo nuair a bhí sé 18 nó 19, le linn dó a bheith ag obair in Seville faoi thionchar Caravaggio. Meastar é a bheith ar an saothar is luaithe leis atá ar marthain. Tá sé ar cheann de roinnt bodegones a rinne sé, cumasc de phictiúir seánra agus d’ábhair neamhbheo suite i gcistin nó i dtábhairne. Bhí radharc reiligiúnach i gcuid acu, rud a mhéadaigh ar a luach.