Hellelil agus Hildebrand, faoi dhéin a chéile ar staighre an túirín, le Frederic William Burton
| Bliain |
1864
|
| Size |
95.5 x 60.8 cm
|
| Medium |
Uiscedhath agus gouache ar pháipéa
|
| Provenance |
Uachtaithe, Margaret Stokes Uasal, 1900
|
| Number |
NGI.2358
|
Bailéad Danmhargach de chuid na Meánaoiseanna, Hellelil agus Hildebrand, a spreag an t-uiscedhath seo. Whitley Stokes, cara le Burton, a rinne an chéad aistriúchán Béarla in 1855. Scéal é faoin ngrá a thug Hellelil dá garda, Hildebrand. Chuir sin fearg ar a hathair, a d’ordaigh Hildebrand a dhúnmharú. Ní foréigean a roghnaigh Burton mar ábhar, ach radharc coscrach ar na leannáin mhí-ámharacha i ndáil a chéile. Bhí ardmheas ag Burton ar na réamh-rafaeilítigh, agus tá a rian sin i ndoimhneacht na ndathanna agus sa chóiriú rómánsúil a rinneadh ar ábhar an phictiúir. Uiscedhathadóir an-cháiréiseach ba ea Burton agus dhéanadh sé a lán réamhstaidéar. Láimhseáladh sé an scuab go han-fhíneálta, ar nós péintéir miondealbh.
